Tragjedia hekurudhore në Spanjë: Rreth 200 ushtarakë mobilizohen në terren për operacionin e shpëtimit

Rreth 200 efektivë të ushtrisë spanjolle janë zbarkuar në zonën e aksidentit të rëndë hekurudhor, me misionin kryesor për të lokalizuar dhe shpëtuar personat që dyshohet se kanë mbetur të ngujuar mes mbetjeve të trenit të shkatërruar. Ministria spanjolle e Emergjencave ka dalë me një njoftim të përditësuar mbi ecurinë e operacionit, ndërkohë që pamjet e shpërndara në platformën sociale X dëshmojnë angazhimin e ekipeve të emergjencës teksa krehin me kujdes pjesët e deformuara të vagonëve. Sipas dikasterit shtetëror, prioritet absolut mbetet zbulimi dhe nxjerrja e menjëhershme e çdo pasagjeri që mund të jetë i bllokuar në vendngjarje, përcjell Sky News. Krahas kësaj, njësitet e specializuara po punojnë intensivisht për zhbllokimin e akseve hyrëse drejt perimetrit të aksidentit dhe zhvendosjen e pjesëve të rënda të hekurudhës, me qëllim që t'i hapin rrugë avancimit të mëtejshëm të forcave të shpëtimit.