Arrestimi i Albert Sylajt: Publikohen pamjet e operacionit të Njësive Speciale në Deçan

Janë bërë publike pamjet filmike nga momenti i ndalimit të Albert Sylajt, i cili dyshohet se është autori i vrasjes së Arlinda Zekajt. Në materialin pamor të transmetuar nga televizioni publik, shfaqet qartë aksioni i zhvilluar nga zyrtarët e Njësive Speciale të Policisë së Kosovës gjatë operacionit të arrestimit. I dyshuari, i cili është kunati i viktimës, u neutralizua dhe u vu në pranga nga forcat e rendit pak minuta para se të shënohej mesnata, në territorin e Deçanit.