Ndryshim qelie për Erion Veliajn: Drejtoria e Burgjeve e zhvendos nga Durrësi në IEVP Fier

Kryetari i Bashkisë së Tiranës, Erion Veliaj, është transferuar nga paraburgimi i Durrësit në Institucionin e Ekzekutimit të Vendimeve Penale në Fier, sipas një vendimi të marrë nga Drejtoria e Përgjithshme e Burgjeve. Sipas informacioneve të siguruara, kjo lëvizje është ndërmarrë me iniciativë institucionale dhe nuk është bërë me kërkesë të vetë zyrtarit të lartë. Veliaj ndodhej i ndaluar në ambientet e paraburgimit të Durrësit që prej muajit shkurt të vitit 2025, kohë kur u arrestua në kuadër të hetimeve të nisura nga Prokuroria e Posaçme kundër Korrupsionit dhe Krimit të Organizuar (SPAK). Deri në këto momente, autoritetet kompetente nuk kanë publikuar arsyet konkrete që kanë sjellë këtë vendim për transferimin e tij drejt burgut të Fierit.