Revolucioni në zyrat e Milanit: Plani i Kardinales për dyshen gjermane

Klubi italian i Milanit po përgatit ndryshime rrënjësore në strukturën drejtuese, ndërsa emri i Markus Krosche mbetet objektivi kryesor i pronarit Xhorxho Kardinale. Bashkëpunimi i mëparshëm i dyshes te Eintraht Francfurti e bën këtë zgjedhje ideale në letër, por sfidat financiare me klubin gjerman mbeten ende për t'u kaluar. Edhe pse zyrtarizimi mund të presë deri në fund të vitit, kontaktet mes palëve janë intensifikuar dhe marrëveshja për detajet ekonomike dhe rolin e 46-vjeçarit në organigramën kuqezi është arritur tashmë. Megjithatë, pengesa kryesore lidhet me klauzolën e largimit, pasi Eintraht kërkon një kompensim prej 5 deri në 7 milionë euro për çdo klub që firmos me ish-drejtuesin e tyre para verës së vitit 2027. Përveç çështjes Krosche, drejtuesit e Milanit po punojnë edhe për emërimin e një drejtori sportiv, ku në tryezë qarkullojnë disa emra. Kandidati kryesor është Timmo Hardung, 36-vjeçari që ka shërbyer si krahu i djathtë i Krosche-s që nga viti 2021 dhe përbën zgjedhjen e preferuar të kuqezinjve. Në Gjermani, situata varet ngushtë nga emërimi i pasuesit të Krosche-s, ku Christoph Spycher i Young Boys shikohet si favoriti kryesor. Ndërkohë që klubi gjerman po vepron pa nxitim, drejtuesit e Milanit duhet të vendosin nëse do të presin zhvillimet e mëtejshme apo do të eksplorojnë pista të tjera për strukturën e tyre sportive.