Kërcënimi me bombë vë në lufë autoritetet në Leposaviq: Evakuohet shkolla në fshatin Leshan

Institucioni arsimor në fshatin Leshan të Leposaviqit është përfshirë nga paniku gjatë orëve të para të mësimit, pasi drejtoria ka pranuar një paralajmërim përmes emailit zyrtar mbi dyshimet për një mjet shpërthyes brenda objektit. Si masë paraprake sigurie, të gjithë nxënësit dhe stafi pedagogjik i Shkollës Fillore “Stana Baçanin” janë larguar menjëherë nga ambientet e shkollës. Këtë informacion e ka bërë zyrtar për mediat Veton Elshani, zëvendëskomandant i Policisë së Kosovës për rajonin e Veriut. Ai ka shtuar se forcat e rendit kanë ndërhyrë pa humbur kohë, duke u nisur drejt vendit të ngjarjes për të kryer verifikimet e nevojshme.