Dueli vëllazëror në Serie C: Cristiani triumfon ndaj Stivenit dhe shkëlqen me gol spektakolar

Përballja mes Cesenës dhe Empolit në Serie C ka dhuruar emocione të forta, ku në qendër të vëmendjes ka qenë dueli direkt mes dy vëllezërve shqiptarë, Cristian dhe Stiven Shpendi. Ndeshja është mbyllur me sukses për formacionin e Cristianit, i cili ka lënë gjurmë të pashlyeshme duke realizuar një gol fantastik në fitoren 2-1 të skuadrës së tij, një paraqitje kjo që konfirmon formën e shkëlqyer të yllit të Kombëtares. Sulmuesi i Cesenës përfitojë nga një pasim i saktë në mesfushë dhe, përmes një hovi mbresëlënës, kaloi bukur dy kundërshtarë për të lëshuar një goditje të fuqishme me këmbë të majtë, e cila përfundoi në rrjetë duke mos i dhënë mundësi reagimi portierit kundërshtar. Në krahun tjetër, Stiveni ka kaluar një mbrëmje për t'u harruar, pasi fillimisht u bë protagonist i një autogoli të pafat, ndërsa në minutat e fundit të takimit u ndëshkua me karton të kuq pas një ndërhyrjeje të gabuar ndaj kundërshtarit.