NBA: Kampionët e New York gjejnë fitoren e parë, dështojnë Lakers dhe Doncic

Skuadra e Lakers ka regjistruar humbjen e parë të këtij sezoni, pasi u mposht në parketin e saj me rezultatin 136-129 nga Portland. Edhe pse Luka Doncic shkëlqeu me 41 pikë për vendasit, kjo nuk mjaftoi, pasi ekipi mysafir bëri diferencën në fushë falë katër lojtarëve që shënuan secili mbi 20 pikë. Ndërkohë, Boston ka siguruar triumfin e tretë sezonal duke mposhtur pas kohës shtesë Brooklyn me shifrat 125-124. Kjo sfidë rezultoi tejet e balancuar deri në sekondat e fundit, ku protagonist absolut për Celtics u bë Jayson Tatum me 40 pikë të realizuara. Më në fund, kampionët e New York kanë shijuar suksesin e tyre të parë për këtë sezon, duke lënë pas tri humbje radhazi. Nju-jorkezët triumfuan bindshëm 111-97 ndaj Detroit, duke i shkaktuar këtij të fundit humbjen e parë, ndërsa Karl-Anthony Towns u dallua mbi të gjithë me një paraqitje fantastike prej 27 pikësh dhe 20 rebound. San Antonio ka vazhduar me ritmin e fitoreve duke regjistruar suksesin e dytë radhazi, çka tregon se kriza e ndeshjeve të para i takon të shkuarës. Spurs mbizotëruan plotësisht në një duel me sens unik, duke mposhtur Sacramento 130-103, ku shënuesi më i mirë i takimit ishte Victor Wembanyama me 29 pikë e 10 rebound. Rezultatet e ndeshjeve: Boston – Brooklyn, 125-124 New York – Detroit, 111-97 San Antonio – Sacramento, 130-103 Lakers – Portland, 129-136