Vrasja e Arlinda Zekajt në Vitomiricë, Kurti paralajmëron publikimin e raporteve institucionale

Kryeministri i Kosovës, Albin Kurti, gjatë mbledhjes së tetë të Qeverisë ka trajtuar ngjarjen e rëndë të ndodhur në Vitomiricë të Pejës, ku u vra Arlinda Zekaj. Ai e ka cilësuar këtë tragjedi si pasojë direkte të dështimeve dhe lëshimeve nga ana e institucioneve të sigurisë dhe drejtësisë. Kreu i ekzekutivit njoftoi se i ka kërkuar Ministrisë së Drejtësisë dhe Ministrisë së Punëve të Brendshme një pasqyrë të hollësishme mbi këtë rast, e cila duhet të përfshijë të dhënat dhe përgjegjësitë e çdo hallke institucionale. Sipas tij, dokumentacioni pritet të dorëzohet deri nesër, para orës 18:00, dhe më pas do të bëhet publik për qytetarët. Në fjalën e tij para kabinetit qeveritar, Kurti u ndal edhe te zhvillimet zgjedhore në Serbi, duke e cilësuar si historik rezultatin e arritur nga Koalicioni Shqiptar, i cili fitoj 27.670 vota. Teksa falënderoi forcat politike shqiptare për këtë bashkim, kryeministri theksoi se Qeveria e Kosovës mbetet e përkushtuar për të ofruar mbështetje të vazhdueshme për shqiptarët atje.