Kryeqyteti synon investime të reja: Përparim Rama pret në takim zyrtaren e lartë të Bankës Botërore

Kryetari i Komunës së Prishtinës, Përparim Rama, ka zhvilluar një takim zyrtar me Menaxhemen e Bankës Botërore për Kosovën, Carole Megevand, ku në fokus të bisedës kanë qenë nismat për zhvillim ekonomik dhe zgjerimi i investimeve strategjike në kryeqytet. Nëpërmjet një njoftimi publik, i pari i Prishtinës ka bërë të ditur se gjatë këtij takimi është shqyrtuar gjërësisht kapaciteti zhvillimor i qytetit në fushën e teknologjisë dhe shërbimeve, duke i kushtuar vëmendje të veçantë rëndësisë së arsimit profesional dhe domosdoshmërisë së krijimit të urave lidhëse mes gjeneratave të reja dhe tregut privat të punës.