Magji nga distanca e Arijon Ibrahimovic, talenti shqiptar dërgon Augsburgun në fazën tjetër të Kupës së Gjermanisë

Talenti i Kombëtares së Gjermanisë U21, me origjinë nga Kosova, Arijon Ibrahimovic, ka lënë gjurmë të pashlyeshme në ndeshjen e fundit të Kupës së Gjermanisë, duke ndihmuar skuadrën e tij, Augsburgun, të triumfojë me rezultatin 4:2 kundër Grossaspach. Mesfushori me tipare sulmuese ishte protagonist absolut në fushë, teksa fitoi vëmendjen me një ekzekutim perlë nga distanca. Ai lëshoi një gjuajtje të fuqishme dhe të saktë, duke e dërguar topin në rrjetë dhe duke realizuar një gol fantastik që u duartrokit nga tifozët. Vetëm pesë minuta pas këtij momenti magjik të Ibrahimovic, Augsburgu realizoi edhe golin e katërt, i cili vulosi përfundimisht fitoren dhe i siguroi biletën e kualifikimit për në rrethin e 1/8 së finales të këtij kompeticioni prestigjioz.