Aksident i rëndë rrugor në fshatin Zhur, dërgohen në QKUK një grua dhe një fëmijë

Një ngjarje e rëndë ka ndodhur gjatë ditës së sotme në fshatin Zhur, ku pesë persona kanë mbetur të lënduar si pasojë e një aksidenti trafiku. Rasti ka mobilizuar ekipet mjekësore, të cilët kanë ofruar ndihmën e parë për të gjithë të prekurit. Sipas informacioneve zyrtare të lëshuara nga Spitali i Gjakovës, në orën 17:30 në repartin e Emergjencës janë paraqitur pesë persona që kishin pësuar lëndime trupore. Për shkak të natyrës së rëndë të lëndimeve, dy prej tyre, respektivisht një grua dhe një fëmijë, janë nisur menjëherë drejt Qendrës Klinike Universitare të Kosovës (QKUK) për trajtim të specializuar mjekësor. Ndërkohë, tre personat e tjerë të përfshirë në këtë aksident janë sistemuar për vijimin e mjekimit brenda institucionit shëndetësor rajonal. Më konkretisht, dy prej tyre po trajtohen në Repartin e Ortopedisë, kurse një tjetër po merr kujdesin e nevojshëm mjekësor në Repartin e Kirurgjisë. Sipas stafit mjekësor, gjendja e tyre e përgjithshme shëndetësore paraqitet e qëndrueshme dhe nënn mbikëqyrje të vazhdueshme. Redaksia e portalit tonë u uron të gjithë të lënduarve shërim të plotë dhe sa më të shpejtë nga ky aksident.