Deklarata për Mao Ce Dunin shkakton stuhi, Kylian Mbappe kërkon ndjesë publike ndaj popullit kinez

Sulmuesi i njohur francez, Kylian Mbappe, ka adresuar një kërkimfalje publike për qytetarët e Kinës, pasi fjalët e tij me ton shakaje rreth ish-liderit kinez, Mao Ce Dun, ngritën një valë pakënaqësish dhe nxitën masa të menjëhershme nga autoritetet atje. Përmes një deklarate zyrtare të shpërndarë në të gjitha llogaritë e tij në platformat sociale në gjuhët frënge, kineze dhe angleze, ylli i futbollit është kujdesur t'i drejtohet personalisht opinionit publik në Kinë. “Gjatë një interviste, reagova ndaj një imazhi të modifikuar të vetes dhe komenti im u gjykua. Tani e kuptoj se shumë njerëz nga populli kinez mund të jenë ndier të ofenduar. Kërkoj falje nga të gjithë ata që mund të jenë ofenduar nga fjalët e mia. Ky nuk ishte qëllimi im. Kam respekt të thellë për popullin kinez dhe historinë e tij. Kërkoj falje”, thuhet shprehimisht në komunikatën e lëshuar nga sportisti. Reagimi pendues i Mbappés vjen në një moment kur tensionet dhe debatet rreth tij kishin kapur përmasa shqetësuese në tregun kinez. Si pasojë e kësaj situate, autoritetet në Kinë morën vendimin që të ndalojnë transmetimin në televizionin shtetëror të të gjitha ndeshjeve që përfshijnë sulmuesin francez, përfshirë edhe sfidat e skuadrës së tij, Real Madridit.