Super Globe: Veszpremi dhe Barcelona përballen në finalen e madhe në Egjipt

Veszpremi dhe Barcelona janë finalistët e mëdhenj të turneut ndërkombëtar të hendbollit, Super Globe, që po zhvillohet në Egjipt. Të dyja gjigantët e hendbollit evropian kanë arritur të sigurojnë vendin në ndeshjen vendimtare pasi dominuan grupet e tyre. Dueli mes Veszpremit dhe Fuchse Berlinit dhuroi emocione të jashtëzakonshme. Skuadra gjermane ishte në epërsi 33:32 vetëm dy minuta para fundit të kohës së rregullt. Megjithatë, hungarezët treguan karakter në çastet e fundit, duke përmbysur rezultatin në 34:33 falë golave vendimtarë të Heshamit dhe Remilit. Në aksionin e fundit të ndeshjes, danezi Gidsel tentoi të barazonte rezultatin për Berlinin, por gjuajtja e tij u neutralizua nga bashkëkombësi i tij, portieri Emil Nielsen, duke i dhuruar kështu kualifikimin skuadrës së Veszpremit. Hesham ishte lideri i hungarezëve me 8 gola, ndërsa për Berlinin nuk mjaftuan 9 golat e shënuar nga Grøndahl dhe Gidsel. Nga ana tjetër, Barcelona nuk hasi në vështirësi përballë Zamalekut. Katalanasit triumfuan bindshëm me rezultatin 39:29, duke e konfirmuar formën e lartë. Kontributin kryesor në këtë fitore e dhanë Fabregasi dhe Barufeti me nga 7 gola secili, si dhe Frade që realizoi 6 gola.