Nga trazirat e '97-ës te sfidat e sotme: Si po rrezikohet e ardhmja euroatlantike e Shqipërisë

Kriza e vitit 1997 e solli Shqipërinë në buzë të greminës dhe të shpërbërjes totale, kur hapja e depove të armëve shndërroi vendin në arenë të bandave kriminale që diktonin ligjin. Këto grupe të armatosura, të lidhura ngushtë me dy forcat kryesore politike të kohës, Partinë Demokratike të Sali Berishës dhe Partinë Socialiste të Fatos Nanos, paralizuan çdo institucion shtetëror. Vetëm ndërhyrja e ndërkombëtarëve e shpëtoi shtetin shqiptar nga copëtimi territorial mes fqinjëve. Në atë periudhë të errët, skena kriminale dominohej nga emra dhe banda famëkeqe si ajo e Zani Çaushit (Çoles), Gaxhait, Aldo Bares, Nehat Kullës dhe dhjetëra grupe të tjera që terrorizuan vendin. Sot, ndërsa Fatos Nano është tërhequr dhe më pas ka ndërruar jetë, Sali Berisha vazhdon fatkeqësisht të jetë në krye të Partisë Demokratike, duke mbajtur të njëjtën linjë veprimi politike. Tri dekada më vonë, Shqipëria gjendet sërish përballë sfidash madhore, të orkestruara tanimë nga aktorë të rinj dhe të vjetër politikë, përfshirë strukturat e Albin Kurtit dhe Sali Berishës, të mbështetura nga rryma radikale, ndikime iraniane dhe propaganda ruse. Ky koordinim synon të frenojë rrugëtimin e pandalshëm të Shqipërisë drejt anëtarësimit në Bashkimin Evropian. Protestat dhe kërkesa për ndryshim janë të drejta kur vijnë nga qytetarët dhe studentët e vërtetë, por ato distancohen qartë nga elementët e dhunshëm që sulmojnë institucionet, djegin pronat dhe sulmojnë policinë. Personat që plaçkisin dyqane dhe shkatërrojnë pasurinë publike nuk kanë asgjë të përbashkët me frymën studentore, por përfaqësojnë vetëm vandalizmin që nuk duhet të gjejë kurrë mbështetje shoqërore.