Karl-Heinz Rummenigge thirrje të fortë: Harry Kane e meriton absolutisht Topin e Artë

Drejtuesi i njohur i Bayern Munichut, Karl-Heinz Rummenigge, ka shprehur mbështetjen e tij të plotë për sulmuesin anglez Harry Kane në garën për fitimin e trofeut prestigjioz, Topit të Artë, duke vënë në pah jo vetëm formën e tij fantastike në fushën e blertë, por edhe integritetin e tij njerëzor. Në një prononcim të dhënë për median gjermane AZ, zyrtar i lartë i klubit bavarez u shpreh prerazi se bomberi anglez është njeriu i duhur për këtë çmim. “Harry Kane e meriton plotësisht Topinë e Artë”, u shpreh ai gjatë deklaratës së tij. Më tej, Rummenigge shtoi se ky vlerësim nuk vjen vetëm si rezultat i statistikave dhe paraqitjeve mbresëlënëse gjatë sezonit, por edhe për shkak të figurës dhe vlerave që sulmuesi përcjell jashtë kufijve të fushës së lojës. “Jo vetëm sepse ka pasur një sezon të jashtëzakonshëm, por edhe sepse mishëron diçka që po bëhet gjithnjë e më e rrallë në sport dhe në shoqëri: të qenit një shembull i vërtetë për të tjerët”, përfundoi deklaratën e tij zyrtari i Bayernit.