Zbulohet plani i Kimi Antonellit: Çfarë do të ndodhë me numrin e tij në Formula 1

Kimi Antonelli ndodhet vetëm një hap larg kurorëzimit si kampion bote në Formula 1, një sukses historik që mund të zyrtarizohet që këtë të diel në Çmimin e Madh të Meksikës. Përfaqësuesi i skuadrës së Mercedes është drejt mbylljes me sukses të sezonit të tij të dytë në elitën e automobilizmit, teksa tashmë vëmendja është zhvendosur edhe te planet e ardhshme. Në një prononcim për mediat e huaja, talenti italian ka shuar kureshtjen rreth numrit që synon të mbajë në makinën e tij për edicionin 2027. "Së pari, duhet të bëj detyrën time në Meksikë, por mendoj se do të vazhdoj të garoj me numrin 12", u shpreh ai. Kjo do të thotë se tifozët italianë do të duhet të presin ende për të parë një bashkatdhetar të tyre me numrin 1 në pistë, një privilegj që i ka munguar Italisë që nga viti 1966, kur Ludovico Scarfiotti garoi në Monza nën rregullat e dikurshme të organizatorëve. Sipas rregullores aktuale në fuqi që nga viti 1974, numri 1 i takon me të drejtë ekskluzive vetëm kampionit aktual në fuqi të botës. Sa i përket zgjedhjes së tij, Andrea Kimi Antonelli ka treguar se numri 12 mbart një vlerë të madhe sentimentale për të. Përveç se lidhet ngushtë me legjendën Ayrton Senna gjiskupërr kohës së tij te Lotus dhe McLaren, ky është pikërisht numri që italisani mbante në makinë kur provoi për herë të parë një bolid të Formula 4.