Humbje e rëndë për DJ Dagz: Ndërron jetë babai i tij pas betejës me sëmundjen në spital

Artis i njohur, DJ Dagz, ka përjetuar një nga momentet më të vështira të jetës së tij, duke humbur babanë e dashur. Ky lajm i hidhur vjen vetëm pak ditë pasi ish-banori i edicionit të parë të “Big Brother VIP” kishte ndarë me publikun shqetësimin se prindi i tij po kalonte një gjendje kritike shëndetësore, duke u trajtuar i intubuar në spital në luftë për mbijetesë. Nëpërmjet një postimi prekës në rrjetet sociale, vetë DJ Dagz i dha lamtumirën e fundit të atit me fjalët e shkurtra dhe emocionuese: “U prefsh në paq bab”. Në njoftimin zyrtar të shpërndarë nga familja, theksohet dhimbja e madhe për këtë humbje të papërsëritshme: “Me zemër të thyer dhe pikëllim të thellë, ju njoftojmë se babai, bashkëshorti dhe vëllau ynë i dashur Naim (Limon) Gumnishta ka ndërruar jetë”. Familja ka bërë të ditur gjithashtu se ceremonia e lamtumirës së fundit dhe rites e varrimit do të zhvillohen nesër. Varrimi do të bëhet pas faljes së namazit të ikindisë, në varrezat e qytetit të Vushtrrisë, konkretisht në fshatin Begaj.