Tragjedia e Arlinda Zekajt, deputetja Musliu kërkon angazhim afatgjatë dhe jo vetëm debatmoment

Gjatë seancës plenare kushtuar vrasjes së Arlinda Zekajt, deputetja e Partisë Demokratike të Kosovës, Ganimete Musliu, ka adresuar një thirrje publike që diskutimet rreth kësaj ngjarjeje tragjike të mos mbyllen me kaq. Musliu ka vënë theksin te nevoja që kjo çështje të trajtohet me seriozitet institucional dhe përgjegjësi të lartë qytetare, duke mos u reduktuar vetëm në një fjalim apo debat kalimtar. “Uroj që ky debat i filluar sot, të mos përfundojë sot ose nesër me varrimin e të ndjerës që ka pësuar në këtë tragjedi. Ky debat nuk guxon me u shëndrru në debat politik”, ka deklaruar ajo.