Stil provokues në Milano, modelja Brooks Nader rrëmben skenën me fustanin transparent

Modelja e njohur amerikane, Brooks Nader, ka dominuar titujt e mediave rozë pas paraqitjes së saj spektakolare në kuadër të Javës së Modës në Milano. Së bashku me prezantimin e shtëpisë së famshme italiane Dolce & Gabbana të shtunën pasdite, 29-vjeçarja u shfaq e veshur me një krijim të guximshëm transparent, i cili ekspozonte të brendshmet e zeza prej dantelle dhe çorapet e gjata. Sipas detajeve të publikuara nga shtypi i huaj, ajo e kurorëzoi këtë kombinim me taka tejet të larta dhe syze dielli me përmasa mbresëlënëse teksa po bëhej gati për sfilatën. Nder nuk e humbi vëmendjen as në mbrëmje, duke u shfaqur në festën zyrtare pas përfundimit të eventit me një tjetër veshje tërësisht të kuruar. Ajo zgjodhi një fustan të shkurtër me ngjyrë të zezë, të pajisur me një dekolte të theksuar që vinte në pah linjat e saj trupore, ndërsa prerja e shkurtër theksonte këmbët e tonifikuara. Kombinimet e saj të guximshme, të ndërthurura me një elegancë të natyrshme, bënë që emri i Brooks Nader të shndërrohej në një ndër pikat kyçe të bisedave gjatë këtij edicioni të modës në Itali.