Tragjedia në familje: Flet e afërmja e Arlinda Zekajt, ngre akuza të rënda ndaj drejtësisë dhe ish-bashkëshortit

E tronditur nga vrasja makabre e familjares së lor, vajza e axhës së viktimës Arlinda Zekaj ka ndarë detaje tronditëse për mediat rreth ngjarjes së rëndë dhe konflikteve të mëparshme që i paraprinë krimit. Ajo ka shprehur indinjatë të thellë ndaj institucioneve të drejtësisë, duke u shprehur se dështimi i shtetit për të trajtuar rastin ka sjellë këtë tragjedi. Sipas saj, konflikti kryesor kishte të bënte me moslemin që Arlinda të mbante pranë fëmijën e saj pas ndarjes nga ish-bashkëshorti. "Nuk e di saktësisht se ku ndodhet djali aktualisht. Po të kishte pasur një hapësirë komunikimi me ata njerëz, problemi do të ishte zgjidhur, por fatkeqësisht nuk ka pasur mirëkuptim. Marrëveshja ishte që fëmija t'i dërgohej çdo fundjavë, por kur ajo ka shkuar për ta marrë, nuk ia kanë dorëzuar, dhe aty ka nisur konflikti i madh. Si mund të ndahet një fëmijë nga nëna e tij? Ku ekziston kjo praktikë? Vetëm në mjediset tona, ku njerëzit blihen me korrupsion", ka deklaruar ajo. Gjithashtu, ajo ka theksuar se viktima ishte drejtuar herë pas here te autoritetet kompetente për këto probleme, por sipas saj, institucionet shtetërore kanë treguar neglizhencë totale duke mos marrë masat e duhura për mbrojtjen e saj.