Tensione në Beograd: Grup personash futen në kampin e simpatizantëve qeveritarë, forca të shumta policore rrethojnë institucionet

Një grup prej disa dhjetëra burrash me kapela janë futur brenda hapësirës së kampit me tenda të vendosur pranë ndërtesës së Presidencës së Serbisë në kryeqytetin serb, një zonë e njohur ndryshe si “Çacilend”, ku mbështetës të strukturave qeveritare janë vendosur prej një vit e gjysmë. Sipas raportimeve nga terreni, këta persona fillimisht janë grumbulluar në sheshin “Nikolla Pashiq” dhe më pas janë drejtuar për në zonën e Presidencës, ndërsa efektivët e policisë u kanë mundësuar hyrjen në kamp. Në një zhvillim paralel, forca të rendit të pajisura me mjete speciale për menaxhimin e tubimeve dhe shpërndarjen e protestave janë pozicionuar në afërsi të Kuvendit të Qytetit të Beogradit, Komisionit Republikan të Zgjedhjeve dhe selisë së Presidencës. Aktualisht, perimetri ku ndodhet Komisioni i Zgjedhjeve dhe Presidenca është tërësisht i bllokuar. Nga terreni bëhet e ditur se qarkullimi është i ndaluar për çdo person, përfshirë edhe përfaqësuesit e mediat. Prani e shtuar e forcave policore vërehet gjithashtu në hapësirën e parkut që shtrihet mes Presidencës dhe Kuvendit të Qytetit, pikërisht në zonën ku është ngritur kampi i mbështetësve të pushtetit.