Tensionohet situata në Tiranë: Protestuesit qëllojnë me gurë Kryeministrinë dhe Kryesinë e Kuvendit

Protesta e zhvilluar në kryeqytet ka marrë kthesë të dhunshme, teksa pjesëmarrësit kanë shënjestruar me gurë ndërtesën e Kryeministrisë së Shqipërisë, duke krijuar momente tensioni të lartë në shesh. Paraprakisht, i njëjti grup protestuesish ka sulmuar edhe ambientet e Kryesisë së Kuvendit, ku si pasojë e goditjeve janë thyer dritaret e katit të parë, ndërsa shënjestër e dhunës është bërë edhe një prej bankave në zonë. Përballë kësaj situate të tensionuar dhe për të parandaluar përshkallëzimin e mëtejshëm të dhunës, forcat e rendit kanë ndërhyrë menjëherë për shpërndarjen e turmës, duke përdorur ujë me presion dhe gaz lotsjellës.