Tensionohet situata para Kryeministrisë: Policia ndërhyn dhe nis shoqërimet e protestuesve

Përshkallëzim i situatës është regjistruar pak më parë në sheshin para Kryeministrisë, ku forcat e rendit kanë ndërhyrë duke shoqëruar protestuesit e parë. Ky veprim nga ana e efektivëve të policisë ka ndodhur afërsisht 20 minuta pasi një grup protestuesish ka filluar të hedhë gurë në drejtim të autobotëve të sigurisë. Njëkohësisht, autoritetet policore kanë kërkuar largimin e punonjësve të medias, duke i pamundësuar ata që të qëndrojnë në afërsi të ndërtesës qeveritare.