Thirrje nga Qeveria për Luginën: Mbështetni numrin 17 në zgjedhje

Ministrja e Tregtisë dhe Industrisë, Mimoza Kusari-Lila, u ka drejtuar një thirrje publike banorëve shqiptarë të Preshevës, Bujanocit dhe Medvegjës që të marin pjesë masivisht në zgjedhje dhe të votojnë “Koalicionin Shqiptar”, i cili mban numrin 17. Po ashtu, ajo u ka bërë thirrje urgjente të gjithë qytetarëve që jetojnë në Kosovë, por që gëzojnë të drejtën e votës në Luginë, që të udhëtojnë drejt vendlindjeve të tyre për të ushtruar këtë të drejtë qytetare. “Sot është dita kur duhet të shprehni vullnetin tuaj. Përmes votës, secili e secila vendos për përfaqësimin, me kundërvënie si përgjigje. Të gjithë ju që ndodheni në Kosovë dhe keni të drejtë vote në Preshevë, Bujanoc e Medvegjë duhet të jeni në vendlindje për të votuar”, ka shkruar ajo në mesazhin e saj. Në thirrjen e saj, ministrja ka kërkuar një angazhim sa më të gjerë nga ana e bashkëkombësve në këtë proces zgjedhor. “Sikurse, u bëj thirrje bashkëkombësve në Preshevë, Bujanoc dhe Medvegjë, të përfshihen aktivisht e të dalin secili e secila për të votuar dhe të mbështesin numrin 17, ‘Koalicionin Shqiptar’”, ka theksuar Kusari-Lila. Duke iu drejtuar elektoratit, ajo ka përmbyllur me fjalët: “Fletëvotimi peshon pak në dorë, por vendimi peshon mbi të ardhmen”.