Zgjedhjet në Luginë: Kurti përsërit thirrjen për mbështetjen e Koalicionit Shqiptar

Kryeministri i Republikës së Kosovës, Albin Kurti, i është drejtuar sërish me një apel publik qytetarëve shqiptarë në Luginën e Preshevës, duke i ftuar që të dalin masivisht në zgjedhje dhe t'i japin mbështetjen e tyre Koalicionit Shqiptar, i cili mban numrin 17 në fletëvotim. Gjatë fjalës së tij, kreu i ekzekutivit kosovar ka vënë inetet në peshën e madhe që ka secila votë e vetme për garantimin e një përfaqësimi meritor politik dhe për sigurimin e një perspektive më të sigurt për shqiptarët që jetojnë në atë rajon. “Për bashkimin në Koalicionin Shqiptar kërkohet sot pjesëmarrja juaj. Qëndresa ndaj diskriminimit dhe përkushtimi për barazi marrin forcë nga vullneti që shprehni në kutitë e votimit. Dilni e votoni. Ftojini edhe familjarët e miqtë tuaj që ta ushtrojnë këtë të drejtë. Mbështeteni Koalicionin Shqiptar, numrin 17. Për një zë të fuqishëm dhe për mundësinë që secili e secila ta ndërtojë jetën në vendlindje”, ka deklaruar Kurti në mesazhin e tij drejtuar banorëve të Luginës.