Java e ardhshme në Kosovë: Ja si do të ndryshojë moti nga e hëna deri të premtin

Për pesë ditët e ardhshme, territori i Republikës së Kosovës do të karakterizohet nga një mot kryesisht me diell, por që do të shoqërohet edhe me vranësira të ndërprera në pjesë të ndryshme të vendit. Në nisje të javës, saktësisht ditën e hënë, në disa rajone të veçanta vranësirat do të jenë më të theksuara dhe mund të sjellin reshje të izoluara shiu. Ndërkaq, gjatë ditës së martë dhe të mërkurë, qytetarët duhet të bëjnë kujdes në orët e mëngjesit, pasi parashikohet krijimi i mjegullës nëpër ultësira dhe akse rrugore. Sa i përket parametrave termikë, termometrit do të shënojnë vlera relativisht stabile për këtë periudhë të vitit. Temperaturat minimale do të lëvizin nga 0 deri në 7 gradë Celsius, ndërsa ato maksimalet e ditës pritet të ngjiten ndërmjet 10 dhe 15 gradë Celsius. Lidhur me kushtet e erës, ajo do të fryjë kryesisht nga drejtimi i verilindjes dhe veriperëndimit, me një shpejtësi të lehtë prej 1 deri në 5 metra për sekondë.