Zgjedhjet në Serbi: Nagip Arifi hedh votën dhe bën thirrje për pjesëmarrje masive të qytetarëve

Kryetari i Partisë Demokratike (PD), Nagip Arifi, ka përmbushur detyrimin e tij qytetar duke votuar në zgjedhjet parlamentare që po zhvillohen ditën e sotme në Serbi. Pasi ka ushtruar të drejtën e votës, Arifi u ka drejtuar një apel të hapur qytetarëve, duke i ftuar që të dalin në numër sa më të madh në këto zgjedhje dhe të shfrytëzojnë mundësinë për të vendosur përmes votës së tyre. Nën udhëheqjen e Arifit, Partia Demokratike është ndër subjektet politike shqiptare që është bërë palë e marrëveshjes së koalicionit për një garë të përbashkët në këtë proces zgjedhor parlamentar. Ky koalicion i formuar nga shqiptarët ka për qëllim kryesor mbrojtjen dhe avancimin e interesave jetike të banorëve shqiptarë të Luginës së Preshevës brenda përbërjes së ardhshme të Kuvendit të Serbisë.