Zgjedhjet në Luginë, Pacolli thirrje urgjente shqiptarëve: Dilni në votime për të ardhmen tuaj

Ministrja Fitore Pacolli u ka bërë thirrje bashkëkombësve në Preshevë, Bujanoc dhe Medvegjë që të dalin masivisht në zgjedhjet e sotme dhe të shfrytëzojnë të drejtën e tyre për të vendosur për fatin e tyre. Përmes një mesazhi të shpërndarë në rrjetet sociale, ajo ka vënë theksin te nevoja jetike që shqiptarët e kësaj treve të gëzojnë barazi të plotë, të jetojnë me dinjitet dhe të kenë një perspektivë të sigurt në vatrat e tyre stërgjyshore. Sipas Pacollit, procesi i sotmë zgjedhor paraqet një mundësi vendimtare që qytetarët të përcaktojnë vetë përfaqësimin e tyre politik dhe të ndërtojnë një të ardhme më të mirë në vendlindje. Në thirrjen e saj drejtuar elektoratit, ajo kërkoi që secili të ushtrojë këtë të drejtë fondamentale demokratike, duke mbështetur përmes votës së tyre “Koalicionin Shqiptar” që mban numrin 17.