Tensione të larta dhe përleshje fizike në sheshin “Skënderbej”, dhjetëra të lënduar nga protestat në Tiranë

Pasditen e sotme, sheshi “Skënderbej” në Tiranë është bërë dëshmitar i përplasjeve të dhunshme mes forcave të rendit dhe protestuesve, pasi një numër i madh fishekzjarrësh u hodhën në drejtim të efektivëve. Gjatë kësaj situate të tensionuar, disa nga policët u panë të pajisur me shkopinj druri, ndërsa situata në terren mbetet tejet kritike. Këto incidente vijnë si vazhdimësi e protestave të zhvilluara në kryeqytet, të cilat u karakterizuan nga hedhja e molotovëve, fishekzjarrëve dhe gazit lotsjellës në disa pika të ndryshme të Tiranës. Zonat kyçe të qytetit janë shndërruar në sheshe përballjesh mes turmës dhe efektivëve të sigurisë. Vala e protestave nisi fillimisht me tubimin e deputetëve dhe militantëve të Partisë Demokratike, të cilët u mblodhën pranë selisë së partisë për të marshuar më pas drejt goditjes së Kryeministrisë. Ndërkohë, një protestë e ndarë e të rinjve u organizua rreth orës 14:00 në Rrugën e Durrësit, ku protestuesit gjuajtën me gurë drejt Ministrisë së Arsimit dhe kordonëve policorë të vendosur në atë aks. Në këtë zonë, të rinjtë i vunë zjarrin koshave të mbeturinave për t'i përdorur si pengesa ndaj forcave të rendit, të cilët u kundërpërgjigjën menjëherë duke përdorur ujë dhe gaz lotsjellës, duke arritur të pastrojnë Rrugën e Durrësit brenda pak minutash. Të ndarë në grupe më të vogla, protestuesit u zhvendosën drejt sheshit “Skënderbej” dhe më pas u rigrupuan në Bulevardin “Dëshmorët e Kombit”, afër Kryeministrisë. Përballë rreth 2,000 forcave policore të angazhuara në terren, një grup të rinjsh në rresht të parë hodhën kokteje molotovi. Për t'i zmbrapsur, policia përdori autobotë ujëhedhës, sprej piperit dhe gaz lotsjellës. Përplasjet u shtrinë në disa lagje të kryeqytetit, ku një prej dyerve të Ministrisë së Bujqësisë u përfshi nga flakët, të cilat u neutralizuan shpejt nga zjarrfikësit. Tensioni u përhap edhe në rrugën “Myslym Shyri”, ku forcat e policisë ndoqën protestuesit pa shkaktuar dëme apo incidente të reja për banorët dhe bizneset e zonës. Megjithatë, pika më e nxehtë mbeti sërish sheshi “Skënderbej”, ku persona të maskuar dhe me shkopinj u përleshën me policinë. Gjatë këtyre përplasjeve, një protestues dhe një efektiv policie rrezikuan nga flakët, por u ndihmuar në vendngjarje nga kolegët e tyre. Ndërkohë, ndihmë mjekësore në spital kanë kërkuar një deputet, katër protestues, një efektiv policie dhe dy punonjës të medias.