Mbyllet me sukses turneu përkujtimor në nderim të 26 heronjve të Policisë së Kosovës

Sindikata e Policisë së Kosovës ka kurorëzuar sot me sukses edicionin e sivjetmë të turneut sportiv tradicional, i cili organizohet në kujtim dhe respekt të 26 zyrtarëve policorë të rënë gjatë përmbushjes së detyrës zyrtare, të cilët mbeten simbol i sakrificës dhe heroizmit. Kjo ngjarje sportive, e cila pati nisur rrugëtimin më 23 tetor në qytetin e Gjakovës, përfshiu përballje në disa disiplina të ndryshme, përfshirë futbollin, volejbollin, shahun dhe shenjëtarinë. Gjatë ditëve të garave, pjesëmarrësit dhe ekipet ndërthurën shpirtin garues me disiplinën dhe kolegialitetin, duke shndërruar këtë aktivitet në një dëshmi të fortë të unitetit dhe të vlerësimit të përjetshëm për veprën e kolegëve të tyre të rënë. Në përfundim të garave, komisioni organizativ shpalli rezultatet zyrtare sipas disiplinave përkatëse: Vendi i parë: DRP – Gjilan Vendi i dytë: DRP – Prishtinë Vendi i tretë: DRP – Mitrovicë Vendi i tretë: DRP – Gjakovë Në kategoritë individuale dhe ekipore, po ashtu u shpallën fituesit: Vendi i parë: Valon Selimi Vendi i tretë: Fadil Morina Vendi i parë: DNJS - Prishtinë Vendi i dytë: DRP - Prizren Vendi i tretë: DRP - Gjilan Sa i takon ndeshjeve të futbollit, epiteti i lojtarit më të mirë i takoi Rison Avdylit, ndërsa Admir Vrevic u dallua si portieri më i mirë i turneut. Çmimi për lojtarin më të korrekte (fair-play) iu dha Mentor Morinës. Si shenjë falënderimi, Sindikata e Policisë së Kosovës nderoi me mirënjohje kontribuuesit, gjyqtarët dhe sportistët më të spikatur, ndërsa garuesve më të suksesshëm u u dorëzuan medalje dhe kupa për tre vendet e para. Ky turne tradicional vazhdon të mbetet një nga ngjarjet më domethënëse për të përcjellë mirënjohjen e institucionit dhe shoqërisë ndaj 26 jetëve të humbura në mbrojtje të rendit dhe ligjit. Përmes këtij organizimi, Sindikata e Policisë së Kosovës rikonfirmon përkushtimin e saj për të mbajtur gjallë kujtimin e heronjve, për të forcuar lidhjet e solidaritetit mes efektivëve dhe për të promovuar vlerat e shëndetshme përmes aktiviteteve sportive.