Zgjedhjet e 25 tetorit: Lutfi Haziri kërkon mobilizim dhe votë të përbashkët për një kauzë të vetme

Nënkryetari i Lidhjes Demokratike të Kosovës, Lutfi Haziri, ka bërë thirrje publike për solidaritet dhe bashkim rreth një misioni të përbashkët politik, duke vënë theksin te domosdoshmëria e rikthimit te një listë unike. Përmes një mesazhi drejtuar opinionit publik, ai u ka bërë thirrje qytetarëve që në datën 25 tetor të bëhen bashkë dhe të orientojnë votën e tyre drejt një platforme të vetme. "Rikthimi te lista e përbashkët ishte dhe mbeti qëllim i përbashkët", ka shkruar ndër të tjera zyrtari i lartë i LDK-së. Sipas tij, në momentet kur qytetarët bashkohen për një ideal dhe kauzë të mbështetur në themelet e Referendumit për të drejta dhe bashkim, asnjë pengesë nuk mund t'i ndalë. Në thirrjen e tij, Haziri ka përsëritur se më 25 tetor vota duhet të bashkohet për një listë, një qëllim dhe një Referendum të përbashkët, duke rikujtuar se ky ka qenë dhe mbetet synimi kryesor.