Në krah të Kim Kardashian në Romë, pamja e re e Kris Jenner mahnit publikun

Kris Jenner ka marrë vëmendjen e plotë të mediave gjatë një shëtitjeje në kryeqytetin italian ditën e premte, e shoqëruar nga vajza e saj, Kim Kardashian. Në prag të moshës 70-vjeçare, ajo është shfaqur me një dukje dukshëm më të freskët, duke rikthyer në qendër të diskutimeve ndërhyrjen estetike në fytyrë që kreu gjatë vitit të kaluar. Figura kryesore e familjes famëkeqe është fotografuar teksa i drejtohej dyqanit të njohur të markës luksoze Bvlgari. Pavarësisht se kishte vendosur syze dielli me përmasa të mëdha, lëkura e saj e lëmuar dhe e tendosur nuk mund t'i shpëtonte syrit të vëmendshëm. Sipas informacioneve të bëra publike nga mediat britanike, bëhet fjalë për një ndërhyrje kirurgjikale të tipit "lifting" për fytyrën, e cila i ka kushtuar asaj rreth 150 mijë dollarë vitin e shkuar, efektet e së cilës vazhdojnë të komentohen gjerësisht. Për këtë shfaqje publike në Itali, ajo kishte përzgjedhur një xhaketë rozë të firmës Chanel, të cilën e kishte kombinuar me shije me një veshje dhe çantë në nuanca bordo. Krah saj në këtë vizitë ka qenë e pranishme Kim Kardashian, e cila veshi një fustan të bardhë me dekolte të theksuar që i vinte në pah linjat e trupit. Kim, e cila vetëm pak ditë më parë ka mbushur 46 vjeç, i pati nisur festimet e ditëlindjes që të martën me një darkë intime familjare në restorantin Baldi, brenda hotelit luksoz Waldorf Astoria Beverly Hills, para se të udhëtonte drejt kontinentit evropian. Kjo shfaqje e përbashkët në Romë ka vënë sërish në pah shijen e hollë për modën dhe ndikimin e madh që këto dy ikona të showbiz-it botëror vazhdojnë të ushtrojnë.