Aksident i rëndë trafiku në Turqi, portieri Andre Onana përfundon në spital

Portieri i njohur i Manchester Unitedit, i cili aktualisht luan si i huazuar te skuadra e Trabzonsporit, Andre Onana, është detyruar të kërkojë ndihmë mjekësore pasi është përfshirë në një aksident trafiku gjatë qëndrimit të tij në Turqi. Sipas informacioneve të publikuara nga “Daily Star”, ngjarja ka ndodhur në momentin kur automjeti me të cilin udhëtonte futbollisti është goditur nga mbrapa me shpejtësi të madhe, në një përplasje zinxhirore ku janë përfshirë gjithsej tri makina. Në kohën e aksidentit, guardameta kamerunas po kthehej në banesën e tij i shoqëruar nga pjesëtarët e familjes, menjëherë pas përfundimit të ndeshjes së radhës. Fatmirësisht, pavarësisht frikës dhe dëmeve materiale, burimet konfirmojnë se si Onana ashtu edhe familjarët e tij gëzojnë shëndet të plotë dhe janë jashtë rrezikut për jetën.