Trazirat në Tiranë, ligjvënësi amerikan Jim McGovern: Qeveria të ndalë dhunën dhe të dëgjojë qytetarët

Reagime nga Shtetet e Bashkuara të Amerikës lidhur me situatën e tensionuar dhe protestat që kanë përfshirë Shqipërinë. Kongresmeni demokrat Jim McGovern ka ngritur zërin, duke i kërkuar ekzekutivit shqiptar që të ndalë menjëherë çdo formë dhune ndaj studentëve dhe qytetarëve që protestojnë. Nëpërmjet një deklarate të shpërndarë në platformat e tij zyrtare sociale, ai ka shfaqur shqetësimin e tij të thellë për përshkallëzimin e ngjarjeve dhe tensionimin e situatës në terren. Sipas ligjvënësit amerikan, grumbullimet dhe dalja e qytetarëve në sheshe ndodh në ato momente kur pushteti tregohet i shurdhër ndaj nevojave dhe kërkesave elementare të popullsisë. Duke sjellë në vëmendje standardet ndërkombëtare, McGovern nënvizoi se e drejta për të protestuar në mënyrë paqësore është e garantuar dhe e mbrojtur nga ligjet ndërkombëtare, ndërsa u bëri thirrje autoritetet vendase që të tregojnë reflektim dhe të dëgjojnë me vëmendje aspiratat e qytetarëve.