Apel urgjent nga Durrësi: Humbet kontaktet i riu, familja kërkon ndihmën e qytetarëve

Familjarët e Reshat Recit janë përfshirë në ankth dhe po bëjnë thirrje publike për gjetjen e tij, pasi prej orësh kanë humbur çdo lloj kontakti me të. Sipas dëshmive të afërmve, gjurmët e fundit të të riut janë regjistruar nga kamerat e sigurisë në ambientet e Portit të Durrësit, ku ai është shfaqur për herë të fundit. Për këtë arsye, familja kërkon mbështetjen e gjithë qytetarëve. Kushdo që mund ta ketë dalluar diku apo ka çfarëdo lloj informacioni të vlefshëm për vendndodhjen e tij, lutet të kontribuojë në lokalizimin e tij. Të gjithë personat që zotërojnë të dhëna mund të kontaktojnë menjëherë redaksinë tonë ose të njoftojnë strukturat e Policisë.