Incident shëndetësor te Bayerni: Vincent Kompany dërgohet me urgjencë në spital pas stërvitjes

Një situatë emergjente është regjistruar në radhët e gjigantëve bavarezë, ku trajneri i Bayern Munichut, Vincent Kompany, është detyruar të transportohet me urgjencë drejt spitalit, pasi ka pësuar një gjendje të fikti menjëherë pas përfundimit të seancës stërvitore të së premtes. Burime mediatike nga Gjermania bëjnë me dije se situata ka kërkuar ndërhyrje të menjëhershme mjekësore, duke bërë që një helikopter shpëtimi të ulet në kompleksin stërvitor të klubit, përpara se strategu belg të transferohej me ambulancë drejt institucionit shëndetësor për ekzaminime të detajuara. Ky incident vjen në një periudhë delikate për teknikun e Bayernit, i cili kishte shfaqur probleme shëndetësore edhe në fillim të javës aktuale, duke qenë i detyruar të mungonte si në seancat stërvitore ashtu edhe në daljet zyrtare përpara mediave për shkak të një infeksioni të rëndë viral.