Bilanci tregtar i Kosovës: Deficiti arrin në 534 milionë euro gjatë shtatorit 2026

Ekonomia e Kosovës ka shënuar një deficit tregtar prej 534 milionë eurosh vetëm gjatë muajit shtator 2026. Ky tregues paraqet një zgjerim prej 2,6 për qind, ose rreth 13.5 milionë euro më shumë, në krahasim me periudhën e njëjtë të vitit 2025, kur deficiti ishte regjistruar në vlerën 520.5 milionë euro. Gjatë muajve paraprakë të vitit 2026, sidomos në periudhën janar-gusht, bilanci tregtar ka shfaqur vazhdimisht një tendencë rritëse të deficitit si pasojë e vëllimit të lartë të mallrave të importuara krahasuar me vitin 2025. Vetëm gjatë muajit gusht 2026, ky deficit preku shifrën e 568 milionë eurove, duke shënuar një shtim prej 5,8 për qind karshi muajit gusht të vitit 2025. Në periudhën e ngjashme të vitit paraprak, respektivisht në shtator 2025, deficiti tregtar mujor kishte shënuar një rritje vjetore prej 21,2 për qind, ku importet dominonin ndjeshëm mbi eksportet e vendit. Statistikat zyrtare tregojnë se eksporti i mallrave për muajin shtator 2026 ka kapur vlerën e 109,4 milionë eurove, ndërkohë që importi ka arritur në 643,4 milionë euro. Kjo përfaqëson një ngritje prej 27,5 % për eksportet dhe një rritje prej 6,1 % për importet, krahasuar me shtatorin e vitit 2025. Struktura e eksporteve vazhdon të dominohet nga metalet bazë dhe artikujt e tyre, produktet minerale me 17,1%, plastika dhe goma me 10,3%, si dhe ushqimet e përgatitura, pijet e duhani me 10,1%, të pasuara nga artikuj të ndryshëm të prodhuar. Nga ana tjetër, sa i përket strukturës së importeve, 19,8% e tyre përbëhet nga produktet minerale, 11,8% nga ushqimet e përgatitura, pijet dhe duhani, 11,2% nga mjetet e transportit, 11,1% nga makineritë dhe pajisjet mekanike e elektrike, si dhe 10,1% nga metalet bazë dhe artikujt prej tyre. Gjatë vitit 2026, eksportet e Kosovës drejt Bashkimit Evropian arritën në 34,2 milionë euro, duke zënë rreth 31,3 % të totalit të eksporteve dhe duke shënuar një rritje prej 22,1 %. Partnerët kryesorë tregtarë në BE për shitjen e mallrave ishin Gjermania me 9,8 %, Holanda me 2,7 % dhe Bullgaria me 2,3 %. Vetëm në muajin shtator 2025, eksporti i përgjithshëm në vendet e BE-së ishte 28 044 euro ose 32,7 për qind, në vendet e rajonit të CEFTA-s kjo shifër ishte 40 628 euro ose 47,4 për qind, ndërsa në tregjet e tjera 17 109 euro ose 19,9 për qind. Në total, eksporti për muajin shtator 2025 ishte 85 781 euro. Ndërkaq, në shtator 2026, eksporti drejt vendeve të BE-së kapërceu në 34 240 euro ose 31,3 për qind, në rajonin e CEFTA-s ishte 55 582 euro ose 50,8 për qind, kurse drejt vendeve të tjera arriti në 19 587 euro ose 17,9 për qind. Në total, eksporti vetëm për muajin shtator 2026 ishte 109 409 euro. Për sa i përket importeve, në muajin shtator 2025 nga vendet e BE-së u importuan mallra në vlerë prej 249 425 euro ose 41,1 për qind, nga CEFTA 87 780 euro, ndërsa nga vendet e tjera 269 032 euro ose 44,4 për qind. Në total, importi vetëm për atë muaj ishte 606 237 euro. Në kontrast, importi për muajin shtator 2026 nga vendet e Bashkimit Evropian u rrit në 280 988 euro ose 43,7 për qind, nga rajoni i CEFTA-s ishte 86 739 euro ose 13,5 për qind, kurse nga vendet e tjera arriti në 275 683 euro ose 42,8 për qind. Në total, importi vetëm për muajin shtator 2026 u regjistrua në vlerën 643 410 euro.