Kriza presidenciale në Kosovë, Isa Mustafa: Opozita duhet të nxjerrë kandidatin për kreun e shtetit

Kuvendi i Kosovës ka mbetur vetëm me nëntë ditë kohë në dispozicion për të zgjedhur presidentin e ri të vendit, në të kundërtën institucionet rrezikojnë të shkojnë drejt zgjedhjeve të parakohshme, bazuar në aktgjykimin e Gjykatës Kushtetuese. Në lidhje me këtë ngërç institucional, ish-kryeministri Isa Mustafa vlerëson se aktualisht Kosova ka nevojë urgjente për konsolidimin e plotë të institucioneve të saj shtetërore. Sipas tij, sfidat me të cilat po ballafaqohet vendi, përfshirë procesin gjyqësor në Hagë, zhvillimet e ndërlikuara gjeopolitike dhe gjendja e rënduar ekonomike, kërkojnë një shtet të organizuar mirë dhe qartësi politike. Sa i përket profilit të kreut të shtetit, ai thekson se korniza përcaktohet nga Kushtetuta, e cila kërkon që kandidati të heqë dorë nga çdo subjekt politik sapo të marrë detyrën, ndërsa konsensusi sigurohet nëpërmjet sigurimit të votave të mjaftueshme në parlament. Mai tej, ish-lideri ekzekutiv ka theksuar se për interesin e vendit do të ishte tejet e dobishme që propozimi për kandidatin presidencial të vijë nga radhët e opozitës. Në fund, Mustafa ka shtuar se vendimmarrja përmes votës mbetet në dorë të vullnetit të lirë dhe përgjegjësisë kushtetuese të secilit deputet.