Dita e 118-të e revoltës: Qytetarët marshojnë sërish drejt Kryeministrisë dhe kërkojnë largimin e Edi Ramës

Vala e protestave kundër ekzekutivit vijon me intensitet, teksa sot shënohet dita e 118-të e qëndresës qytetare në sheshin përpara Kryeministrisë. Demonstruesit shprehen të vendosur për të mos u tërhequr nga kërkesa e tyre për dorëheqjen e kryeministrit Edi Rama, në një kohë kur opinion publik tronditet nga zhvillime të reja dhe akuzat për skandale, siç është rasti i ish-drejtoreshës së SHISH, Vlora Hyseni, e cila dyshohet se ka dekonspiruar informacione konfidenciale në favor të Ergys Agasit. Edhe përgjatë ditës së sotme, skenari i tubimit parashikon që qytetarët të bashkohen paraprakisht në Sheshin “Skënderbej”, për të marshuar më pas përgjatë Bulevardit “Dëshmorët e Kombit” deri në destinacionin e zakonshëm para selisë qeveritare, ku tashmë prej muajsh kërkohet largimi i menjëhershëm i kabinetit qeveritar. Kjo valë pakësimi vjen menjëherë pas protestës së djeshme të zhvilluar në ambientet e jashtme të Kuvendit gjatë zhvillimit të seancës plenare, e cila u shoqërua me momente tensioni dhe përplasje fizike mes protestuesve dhe efektivëve të Policisë.