Sydney Sweeney elektrizon rrjetin: Aktorja pozon me shkumë rroje dhe veshje provokuese

Aktorja e njohur Sydney Sweeney ka tërhequr vëmendjen e të gjithëve me setin e saj më të fundit fotografik, ku shfaqet në një ambient banjoje duke kryer ritualin e rrojës. Këto imazhe janë realizuar në kuadër të promovimit të koleksionit të ri festiv për markën e saj të të brendshmeve, ‘Syrn’, ku 29-vjeçarja luan rolin e imazhit kryesor. Në fotografitë e publikuara të enjten në llogarinë zyrtare të markës në Instagram, ylli i serialit hit “Euphoria” shfaqet e veshur me një reçipetë ngjyrë blu marine, e cila i thekson format e saj trupore. Ajo e ka kompletuar këtë kombinim me një pulovër të shkurtër të zbërthyer dhe geta të zeza, ndërsa flokët bjonde i ka stiluar në valë të lirshme, duke krijuar një pamje mjaft tërheqëse. Në një prej shkrepjeve, aktorja shihet teksa përdor një brisk mbi fytyrën e mbuluar me shkumë rroje, duke i dhënë një prekje të pazakontë fotosesionit. Në një tjetër imazh, ylli i filmit “The Housemaid” shfaqet duke bërë një selfie para pasqyrës me një shprehje lozonjare, ndërsa në një fotografi tjetër, të realizuar në stilin Polaroid, ajo pozon me buzëqeshje dhe dorën në ije, duke vënë në pah linjat e saj të tonifikuara. Ky sesion fotografik shërben si paralajmërim për fansat e aktores, pasi marka ka bërë të ditur se pjesët e reja të koleksionit të festave do të jenë zyrtarisht të disponueshme për blerje duke filluar nga data 27 tetor.