Protesta në SHBA, Edi Rama sulmohet me vezë nga mërgimtarët gjatë vizitës për OKB-në

Kryeministri Edi Rama është përballur me pakënaqësi dhe protesta gjatë vizitës së tij në Shtetet e Bashkuara të Amerikës, ku po merr pjesë në punimet e Asamblesë së Përgjithshme të Kombeve të Bashkuara. Gjatë kësaj ngjarjeje, kreu i Qeverisë shqiptare ka qenë i shoqëruar nga bashkëshortja e tij, Linda Rama, si dhe nga drejtuesi i Grupit Parlamentar të Partisë Socialiste, Taulant Balla. Në pamjet filmike të shpërndara në rrjet, dokumentohet momenti kur një grup shqiptarësh në diasporë e qëllojnë atë me vezë. Gjatë këtij incidenti, protestuesit i janëdrejtuar kreut të ekzekutivit me thirrje të ashpra, duke e cilësuar atë me epitete si “mafia” dhe “kriminel”.