Prishtina nderohet në trevjetorin e rënies së Heroit Afrim Bunjaku: Sakrificë për sovranitetin dhe rendin kushtetues

Prishtinë, 24 shtator 2026 – Me një akademi solemne të mbajtur mbrëmjen e sotme në orën 20:00, është shënuar trevjetori i rënies heroike në krye të detyrës të rreshterit Afrim Bunjaku, Hero i Kosovës. Ngjarja ka bashkuar personalitetet më të larta të shtetit dhe familjarët për të kujtuar kontributin e jashtëzakonshëm të tij. Në këtë ceremoni përkujtimore, nderimi për jetën dhe veprën e Heroit u vu në pah përmes fjalëve të rastit të mbajtura nga u.d. presidentja e Republikës së Kosovës, znj. Albulena Haxhiu, kryeministri i Republikës së Kosovës, z. Albin Kurti, ministri i Punëve të Brendshme, z. Xhelal Sveçla, si dhe drejtori i përgjithshëm i Policisë së Kosovës, kolonel Gazmend Hoxha. Të gjithë folësit shprehën pikëllimin e thellë, por edhe krenarinë e lartë kombëtare për sakrificën e rreshterit Bunjaku, i cili dha jetën në mbrojtje të sovranitetit, sigurisë dhe rendit kushtetues të vendit. Momente veçanërisht prekëse për të pranishmit sollën fëmijët e Heroit. Vajza e tij ndau kujtime të ndjera para të pranishmëve për figurën dhe përkushtimin e të atit, ndërsa recitimi i përgatitur nga djali i Heroit të Kosovës krijoi një atmosferë të mbushur me emocione të fuqishme në sallë.