Trepça arrin fitoren e dytë radhazi në Evropë

Trepça ka regjistruar fitoren e dytë radhazi në FIBA Europe Cup, duke vazhduar me rezultate pozitive në garat evropiane të basketbollit. Mitrovicasit e mposhtën me rezultat 89:80 (17:16, 21:23, 27:22, 24:19) ekipin çek Opava, në një ndeshje me rivalitet të fortë dhe me rëndësi të veçantë për mitrovicasit. Ndeshja ishte e luftuar deri në fund, por Trepça arriti të tregojë forcën e saj dhe të sigurojë një tjetër fitore të rëndësishme në Grupin A. Shawn Jones ishte ndër lojtarët më të dalluar te Trepça, duke realizuar 19 pikë, 10 kërcime dhe tri asistime. Me 19 pikë kontribuoi edhe JaCori Payne, i cili shtoi tri kërcime dhe katër asistime. Te skuadra mysafire, më i dalluari ishte Jakub Slavík, me 15 pikë, 11 kërcime dhe tri asistime. Pas tri xhirove të zhvilluara në Grupin A, Trepça renditet në vendin e dytë me pesë pikë, ndërsa Opava zë vendin e katërt me katër pikë.