Talenti spanjoll bën histori në Champions League, lë pas rekordin e Sergio Ramosit

Xavi Espart ka lënë pas dritës së prozhektorëve një paraqitje fantastike në “Parc des Princes” përballë PSG-së, duke shënuar debutimin e tij të madh evropian, pasi kishte mbetur pa luajtur asnjë minutë në sfidat kundër Feyenoord-it dhe Galatasaray-t. Kjo paraqitje e jashtëzakonshme mund t'i sigurojë sërish një vend si titullar në prag të “El Clásicos”. Në moshën 19 vjeç e 152 ditë, mbrojtësi u shndërrua në futbollistin spanjoll më të ri që gjen rrugën e rrjetës në historinë e Champions League. Sipas statistikave të “MisterChip”, primatin e mëparshëm për lojtarët spanjollë nën moshën 20-vjeçare e mbante Sergio Ramos, i cili kishte shënuar në moshën 19 vjeç e 251 ditë gjatë përballjes mes Real Madridit dhe Olympiacos, të zhvilluar më 6 tetor 2005. Momenti kulminant i ndeshjes erdhi në minutën e 55-të, kur pas një aksioni të kombinuar me Fermín, ai rikthehu baraspeshën 1-1 përmes një goditjeje të fortë me këmbë të djathtë. Për të arritur te ky gol, ai përshkoi fushën me një shpejtësi prej 31.2 km/h, sipas të dhënave zyrtare të UEFA-s, ndërkohë që Lamine Yamal regjistroi një shpejtësi prej 32.7 km/h në fazën e kundërsulmit. Përveç kontributit vendimtar në sulm, Espart shkëlqeu edhe në prapavijë: ai triumfoi në 4 nga 9 duele të zhvilluara, ekzekutoi me sukses 3 ndërhyrje nga po aq tentativa dhe rikuperoi 5 topa të rëndësishëm. Gjatë lojës, ai regjistroi 46 pasime të sakta me një saktësi prej 83%, shkaktoi vetëm dy faulle dhe bllokoi me sukses një rrezik nga ana e kundërshtarit.