Protesta e pedagogëve dhe studentëve zhvendoset nga Kryeministria te Ministria e Arsimit

Pasi kaluan rreth një orë në tubim para ndërtesës së Kryeministrisë, trupa akademike dhe studentët kanë ndërmarrë një marshim përgjatë bulevardit “Dëshmorët e Kombit”, duke iu drejtuar Ministrisë së Arsimit. Pedagogët kanë vendosur të bojkotojnë procesin mësimor për t'i dalë në krah kërkesave të studentëve, ndërkohë që janë shprehur qartësisht kundër çdo forme dhune të ushtruar ndaj të rinjve gjatë protestave. Kur të mbërrijnë te Ministria e Arsimit, protestuesve pritet t'u bashkohen edhe qytetarë të tjerë, një pikë kjo ku në të kaluarën janë regjistruar shpesh herë përplasje fizike mes turmës dhe forcave të rendit. Kjo shënon ditën e dytë të marshimit paqësor të ndërmarrë nga ana e pedagogëve, ndërkohë që lëvizja studentore hyrë në ditën e saj të tetë të protestave, të cilat në disa raste janë karakterizuar nga tensione dhe dhunë.