Goditje e rëndë për Barcelonën: Ylli i ekipit mungon në “El Clasico” pas dëmtimit në Ligën e Kampionëve

Përveç disfatës 4-2 kundër Paris Saint-Germainit në Ligën e Kampionëve, gjiganti katalunas Barcelona ka marrë një tjetër lajm të hidhur për organikën e tij, duke humbur një nga lojtarët kryesorë pikërisht para sfidës vendimtare të fundjavës ndaj Real Madridit. Pas kontrolleve të para mjekësore, shqetësimet e para tregojnë për një lëndim të mundshëm në muskulin aduktor të këmbei së majtë. Megjithatë, stafi mjekësor i klubit do të duhet të presë deri të mërkurën për t'i kryer Olmos ekzaminimet e detajuara, të cilat do të zbardhin qartë shkallën e dëmtimit dhe periudhën e saktë të mungesës në fusha. Sidoqoftë, ajo që tashmë konsiderohet e sigurt është se mesfushori spanjoll nuk do të jetë i gatshëm për “El Clasicon” e kësaj të diele kundër rivalit të përjetshëm, Real Madridit. Për 27-vjeçarin, duelimi ndaj parisienëve kishte një domethënie të veçantë, pasi ai shënoi paraqitjen e tij jubileuale të 100-të me fanellën e skuadrës katalunase. Ky dëmtim vjen pas një periudhe të gjatë stabiliteti për futbollistin, i cili nuk kishte shfaqur probleme fizike që nga 3 dhjetori i vitit të kaluar, kohë kur pësoi një zhvendosje të shpatullës pasi realizoi gol ndaj Atletico Madridit. Ndërkohë, problemi i tij i fundit muskulor datonte më 10 tetor 2025. Për më tepër, Olmo kishte arritur një serë impresionuese prej 44 ndeshjesh radhazi me fanellën e Barcelonës, ku 32 prej tyre i kishte regjistruar gjatë edicionit të kaluar dhe 12 të tjera në sezonin aktual.