Këshilli i Sigurimit i OKB-së mblidhet për Kosovën: Në fokus raporti i fundit i UNMIK-ut

Ka filluar punimet seanca e radhës e Këshillit të Sigurimit të Organizatës së Kombeve të Bashkuara, e cila i është dedikuar zhvillimeve më të fundit në Kosovë. Në qendër të diskutimeve do të jetë shqyrtimi i raportit gjashtëmujor të shefit të UNMIK-ut, Peter Due. Dokumenti në fjalë përfshin zhvillimet politike dhe të sigurisë të ndodhura në periudhën kohore nga 16 marsi deri më 15 shtator 2026. Në këtë seancë pritet të marrin fjalën përfaqësuesit e lartë të të dyja palëve. Kosova do të përfaqësohet nga zëvendëskryeministri i parë dhe ministri i Punëve të Jashtme dhe Diasporës, Glauk Konjufca, ndërsa nga ana e Serbisë do të marrë pjesë ministri i Jashtëm, Marko Gjuriq, të cilët do të artikulojnë qëndrimet e shteteve të tyre për situatën aktuale. Përveç palëve të përfshira drejtpërdrejt, në këtë seancë do të angazhohen edhe përfaqësuesit e shteteve anëtare të Këshillit të Sigurimit, të cilët do të diskutojnë mbi ecurinë e proceseve dhe stabilitetin në vend.