Gjyqtarët nga Kosova, protagonistë në përballjen e rëndësishme Rumani - Portugali

Gjyqtarët kosovarë vazhdojnë të konfirmohen në arenën ndërkombëtare të futsallit. Së fundmi, një treshe nga Kosova është deleguar për të drejtuar ndeshjen e rëndësishme ndërmjet Rumanisë dhe Portugalisë, e cila është e vlefshme për fazën kryesore të kualifikimeve për Kampionatin Botëror 2028. Besar Beqiri i është besuar roli i gjyqtarit të parë, ndërsa Besart Ismajli do të jetë krahu i tij si gjyqtar i dytë. Pjesë e këtij delegimi është edhe Florentina Kallaba, e cila do të ushtrojë detyrën e gjyqtares së tretë në këtë sfidë vendimtare. Ky caktim dëshmon rritjen e besimit të instancave evropiane ndaj referëve kosovarë, të cilët po angazhohen gjithnjë e më shpesh në kompeticionet madhore të futsallit. Angazhimi i tyre në këtë nivel është një tregues i qartë i profesionalizmit dhe përkushtimit të treguar në gara të ndryshme ndërkombëtare. Përballja mes Rumanisë dhe Portugalisë është planifikuar të zhvillohet më 21 tetor, duke filluar nga ora 19:00, në ambientet e palestrës “City Hall Arena”.