Protesta në Tiranë: Policia shpërndan turmën me ujë e gaz, protestuesja vazhdon vallen nën ritmin e daulles

Protestuesit janë zhvendosur nga zona e Ministrisë së Arsimit në drejtim të qendrës së kryeqytetit, pasi autoritetet ndërhynë për të shpërndarë grumbullimin. Ndërhyrja u bë përmes përdorimit të gazit lotsjellës dhe autoboteve me ujë me presion, të cilat detyruan qytetarët dhe të rinjtë të largoheshin nga Rruga e Durrësit. Mes tensioneve dhe lëvizjes së forcave të rendit për spastrimin e zonës, një i ri u pa duke rënë daullen për të mbajtur gjallë atmosferën e protestës. Nën ritmin e instrumentit, një e re vendosi të ecte dhe të zhvendosej duke kërcyer, duke shfaqur një skenë të pazakontë mes tubimit. Situata mori një pamje edhe më dramatike kur uji me presion nga autoboti nisi të binte mbi të, ndërkohë që ajo nuk e ndali aspak vallen e saj.