Kandidatura për kreun e LDK-së, Përparim Rama flet për procesin demokratik dhe strukturat e partisë

Kryetari i Prishtinës, Përparim Rama, ka komentuar zhvillimet rreth shpalljes së kandidaturës së tij për të udhëhequr me Lidhjen Demokratike të Kosovës (LDK), duke vënë theksin te vlerat demokratike brenda këtij subjekti politik. I pyetur se si është pritur ky hap nga partia, ai u shpreh shkurtimisht se proceset aty zhvillohen përmes standardeve demokratike. Lidhur me pyetjen nëse këtë synim e kishte diskutuar më parë me organet drejtuese të partisë, Rama konfirmoi se bisedimet rreth kësaj çështjeje kanë nisur kohë më parë, konkretisht gjatë muajit janar. Kujtojmë se më 30 korrik, Lumir Abdixhiku mori sërish besimin për të drejtuar Lidhjen Demokratike të Kosovës, duke u rikonfirmuar në krye të kësaj partie.